انا اللذي يدرون به قبل ياتي ..... !!

رد الرائع والشاعر الكبير : خلف مشعان

على محمد بن فطيس المري ..


ماني بمن ياتي على شان يدرون
انا اللذي يدرون به قبل ياتي

نجمي سطع من غير بيرق ومليون
قليل في جيلي يسوي سواتي

حسن النوايا شفتها بكل مجنون
وسوء النوايا جعلها للمماتي

ماجيت اهايط بس لا زم تعرفون
مازعزعت بعض السوالف ثباتي

لو شلت في قلبي مثل مايشيلون
ماكانت الطيبة من ابرز صفاتي

يامحمد ابن فطيس وش فيك مشحون
مااخطيت يوم اني حسبتك لقاتي

ابي اطفي الفتنه وابي انشدك وشلون
اسلم من الضيعه واجمع شتاتي

الناس معها عقل ولسان وعيون
وقدامهم كزيت.... يمك .........وصاتي

ماجيتك ببيت مع الشعر مدفون
جيتك على وضح النقا .....ياغناتي

ماني من اللي في قفا الناس يحكون
عيب على ألحق خويي حصاتي

اللي لياقفيت عنهم....... يهدون
ماهم بكفو لرجعتي والتفاتي

سكرت اذاني عن وكالة يقولون
وذكرت لي بيت يفسر سكاتي

الله يجيبك من بعيد ن اليا دون
والله يحطك باللقا من تلاتي




* أثبت أنك شاعر حقيقي ياخلف لأن الشعر
مو بس نظم أبيات الشعر معنى وأدب وأحترام
أنا شخصياً أفخر بكونك سعودي ..



ساحر البسمة