السلام عليكم ورحمة الله وبركاته
صراحه عجبني هالشعر فحبيت انقله لكم
انشاء الله يعجبكم
ــــــــــــــــــــــــــــــــــــــــــــــــــ
الله يجازي من يســـوي ســــواتــــك
وبذنوب من سوى سواتك يجازيـــك
مشيت درب الثــــقل وتحـــب ذاــــتك
ماتـــدري انه للمهالك يـــــــوديــــك
غرك جــــمالك ياخساره حلاتــــــــك
ماتــدري ان ماغـير طبعك يحليـــــك
بتقول زينــــك يشـــفع لسياتــــــــــك
الحسن ماهو عن وفاء الحب يعفيك
لو التواضع والوفـــاء من سماتـــك
بعت الحبايب كلهم ديـــن واشريــــك
لاكـــن عجزت اغيرك يـاجـراتـــــــك
على الغياب اللـي بلا عذر ينجيـــــك
خطاي في توضيــــح وشي غلاتــــك
وخطاك في توضيـــح وشو تغليـــــك
وشلون توصيني وتنســا وصاتـــــك
وتصد عن صوتن تقطـــع يناديــــــك
مافاتك التجريح والعــــذر فاتــــــــك
وتبغى الــراي الحيل ماعاد يمديـــك
صحيح احبك بس هـــاذي جزاتـــــك
بعلمك درس يفيــــــدك ويحييـــــــــك
تدري وش ابيض من خفوقك عباتك
وتدري وش اللي غرني نظرتي فيك
ادري بتستغرب تصبـــــر وجاتــــــك
قصيدة من واحـــــد كان يبغيـــــــــك
وتبغى تناظر وانت عايــش مماتـــك
شف وحدتك والناس تجلس حواليـك
وتبغى تشوف اشجع رجل في حياتك
شفني وانا راحل على كثر ماغليـــك
ـــــــــــــــــــــــــــــــــ
تحياتي
ـ ـ ـ ـ ـ ـ ـ ـ
موضوع: الله يجازي من يسوي سواتك!!!